ਦ੍ਰੋਪਦੀ ਮੁਰਮੂ ਬਣੇ ਭਾਰਤ ਦੇ 15ਵੇਂ ਰਾਸ਼ਟਰਪਤੀ

ਨਵੀਂ ਦਿੱਲੀ, 21 ਜੁਲਾਈ (ਏਜੰਸੀ)- ਦੇਸ਼ ਨੂੰ ਆਪਣਾ 15ਵਾਂ ਰਾਸ਼ਟਰਪਤੀ ਮਿਲ ਗਿਆ ਹੈ| ਦ੍ਰੋਪਦੀ ਮੁਰਮੂ ਨੇ ਤੀਜੇ ਦੌਰ ਦੀ ਗਿਣਤੀ ਦੇ ਨਾਲ ਰਾਸ਼ਟਰਪਤੀ ਚੋਣ ਜਿੱਤ ਲਈ ਹੈ| ਐਨਡੀਏ ਦੀ ਰਾਸ਼ਟਰਪਤੀ ਅਹੁਦੇ ਦੀ ਉਮੀਦਵਾਰ ਦ੍ਰੋਪਦੀ ਮੁਰਮੂ ਨੇ ਗਿਣਤੀ ਦੇ ਤੀਜੇ ਗੇੜ ਦੇ ਅੰਤ ਵਿੱਚ ਕੁੱਲ ਜਾਇਜ ਵੋਟਾਂ ਦਾ 50 ਫੀਸਦੀ ਅੰਕੜਾ ਪਾਰ ਕਰ ਲਿਆ, ਜੋ ਦੇਸ਼ ਦੀ ਅਗਲੀ ਰਾਸ਼ਟਰਪਤੀ ਬਣਨ ਲਈ ਕਾਫੀ ਹੈ| ਤੀਜੇ ਗੇੜ ਵਿੱਚ ਕਰਨਾਟਕ, ਕੇਰਲ, ਮੱਧ ਪ੍ਰਦੇਸ਼, ਮਹਾਂਰਾਸ਼ਟਰ, ਮਣੀਪੁਰ, ਪੰਜਾਬ,
ਮਿਜੋਰਮ, ਉੜੀਸਾ ਅਤੇ ਨਾਗਾਲੈਂਡ ਲਈ ਵੋਟਾਂ ਦੀ ਗਿਣਤੀ ਕੀਤੀ ਗਈ| ਤੀਜੇ ਗੇੜ ਵਿੱਚ, ਮੁਰਮੂ ਨੂੰ 812 ਡੈਲੀਗੇਟਾਂ ਦੀ ਵੋਟ ਮਿਲੀ ਜਿਨ੍ਹਾਂ ਦੀ ਵੋਟ ਦਾ
ਮੁੱਲ 94478 ਹੈ, ਜਦਕਿ ਯਸ਼ਵੰਤ ਸਿਨਹਾ ਨੂੰ 531 ਡੈਲੀਗੇਟਾਂ ਦੀ ਵੋਟ ਮਿਲੀ ਜਿਨ੍ਹਾਂ ਦੀ ਵੋਟ ਦਾ ਮੁੱਲ 71186 ਹੈ| ਇਸ ਤਰ੍ਹਾਂ ਕੁੱਲ 3215 ਵੋਟਾਂ ਦੀ
ਗਿਣਤੀ ਹੋਈ ਹੈ ਜਿਸ ਵਿੱਚ ਦ੍ਰੋਪਦੀ ਮੁਰਮੂ ਦੀਆਂ 2161 ਵੋਟਾਂ ਹਨ ਜਿਨ੍ਹਾਂ ਦੀ ਵੋਟ ਦਾ ਮੁੱਲ 838839 ਹੈ ਅਤੇ ਯਸ਼ਵੰਤ ਸਿਨਹਾ ਦੀਆਂ 2161 ਵੋਟਾਂ ਹਨ ਜਿਨ੍ਹਾਂ ਦੀ ਵੋਟ ਦਾ ਮੁੱਲ 261062 ਹੈ| ਇਸ ਤਰ੍ਹਾਂ ਦ੍ਰੋਪਦੀ ਮੁਰਮੂ ਨੇ ਰਾਸ਼ਟਰਪਤੀ ਬਣਨ ਲਈ ਜਰੂਰੀ ਬਹੁਮਤ ਹਾਸਲ ਕਰ ਲਿਆ ਹੈ| ਦੂਜੇ ਗੇੜ ਦੀ ਗਿਣਤੀ ਵਿੱਚ ਦ੍ਰੋਪਦੀ ਮੁਰਮੂ ਨੂੰ ਕੁੱਲ 1349 ਵੋਟਾਂ ਮਿਲੀਆਂ ਅਤੇ ਇੱਕ ਹੋਰ ਉਮੀਦਵਾਰ ਯਸ਼ਵੰਤ ਸਿਨਹਾ ਨੂੰ 537 ਵੋਟਾਂ ਮਿਲੀਆਂ| ਵੋਟਾਂ ਦੀ ਗਿਣਤੀ ਦੌਰਾਨ ਕੁੱਲ 748
ਵੋਟਾਂ ਜਾਇਜ ਮੰਨੀਆਂ ਗਈਆਂ ਹਨ| ਕੁੱਲ ਵੋਟਾਂ ਦਾ ਮੁੱਲ 5,23,600 ਹੈ| ਜਿਸ ਵਿੱਚੋਂ ਦ੍ਰੋਪਦੀ ਮੁਰਮੂ ਨੂੰ 540 ਵੋਟਾਂ ਯਾਨੀ 3,78,000 ਵੋਟਾਂ ਮਿਲੀਆਂ|
ਜਦੋਂ ਕਿ ਯਸ਼ਵੰਤ ਸਿਨਹਾ ਨੂੰ 208 ਵੋਟਾਂ ਮਿਲੀਆਂ
ਹਨ, ਜਿਨ੍ਹਾਂ ਦੀ ਕੀਮਤ 1,45,600 ਬਣਦੀ ਹੈ|
ਤੁਹਾਨੂੰ ਦੱਸ ਦੇਈਏ ਕਿ ਅੱਜ ਤੋਂ 15 ਸਾਲ ਪਹਿਲਾਂ
21 ਜੁਲਾਈ ਨੂੰ ਦੇਸ਼ ਨੂੰ ਪਹਿਲੀ ਮਹਿਲਾ
ਰਾਸ਼ਟਰਪਤੀ ਮਿਲੀ ਸੀ|
ਦਰਅਸਲ 15 ਸਾਲ ਪਹਿਲਾਂ 21 ਜੁਲਾਈ ਨੂੰ
ਪ੍ਰਤਿਭਾ ਦੇਵੀਸਿੰਘ ਪਾਟਿਲ ਦੇ ਰੂਪ ਵਿੱਚ ਦੇਸ਼ ਨੂੰ
ਪਹਿਲੀ ਮਹਿਲਾ ਰਾਸ਼ਟਰਪਤੀ ਮਿਲੀ ਸੀ| 21
ਜੁਲਾਈ 2007 ਨੂੰ ਹੋਈਆਂ ਰਾਸ਼ਟਰਪਤੀ ਚੋਣਾਂ
ਲਈ ਵੋਟਾਂ ਦੀ ਗਿਣਤੀ ਵਿੱਚ ਪ੍ਰਤਿਭਾ ਦੇਵੀਸਿੰਘ
ਪਾਟਿਲ ਜੇਤੂ ਰਹੀ ਸੀ| ਜਿਸ ਤੋਂ ਬਾਅਦ ਉਨ੍ਹਾਂ ਨੇ
25 ਜੁਲਾਈ 2007 ਨੂੰ ਰਾਸ਼ਟਰਪਤੀ ਵਜੋਂ ਸਹੁੰ
ਚੁੱਕੀ| ਪ੍ਰਤਿਭਾ ਦੇਵੀਸਿੰਘ ਪਾਟਿਲ ਦੇਸ਼ ਦੀ 12ਵੀਂ
ਰਾਸ਼ਟਰਪਤੀ ਬਣੀ ਅਤੇ 2007-2012 ਤੱਕ
ਆਪਣਾ ਕਾਰਜਕਾਲ ਪੂਰਾ ਕੀਤਾ| ਉਹ ਦੇਸ਼ ਦੇ ਇਸ
ਸਰਵਉੱਚ ਸੰਵਿਧਾਨਕ ਅਹੁਦੇ ‘ਤੇ ਰਹਿਣ ਵਾਲੀ
ਪਹਿਲੀ ਔਰਤ ਸੀ|
ਜਿਸ ਤੋਂ ਬਾਅਦ ਹੁਣ ਐਨਡੀਏ ਦੀ
ਰਾਸ਼ਟਰਪਤੀ ਅਹੁਦੇ ਦੀ ਉਮੀਦਵਾਰ ਦ੍ਰੋਪਦੀ ਮੁਰਮੂ
ਇਹ ਚੋਣ ਜਿੱਤ ਕੇ ਦੇਸ਼ ਦੀ ਦੂਜੀ ਮਹਿਲਾ
ਰਾਸ਼ਟਰਪਤੀ ਬਣਨ ਦੇ ਨਾਲ-ਨਾਲ ਪਹਿਲੀ
ਕਬਾਇਲੀ ਮਹਿਲਾ ਰਾਸ਼ਟਰਪਤੀ ਬਣੀ|